Bhajan Gazal Lyrics

કુમકુમ કેરા પગલે માડી ગરબે રમવા આવ કે માડી ઘણી ખમ્મા.. ચાચર કેરા ચોકે માડી ગરબે ઘુમવા આવ કે માડી ઘણી ખમ્મા.. કુમકુમ કેરા પગલે... ચાલો સહિયર જઈએ ચાંચર ચોકમાં રે લોલ દિવડો પ્રગટાવી માના ગોખમાં રે લોલ આરાસુરી માત આવ્યા આંગણે રે લોલ સામૈયું તે માનું કરીએ તોરણે રે લોલ જય ભવાની જય ભવાની બોલીયે રે લોલ વ્હાલના વાદળમાંથી તું પ્રેમ સદા વરસાવ કે માડી ઘણી ખમ્મા.. ચાચર કેરા ચોકે માડી ગરબે ઘુમવા આવ કે માડી ઘણી ખમ્મા.. કુમકુમ કેરા પગલે... ઢમ ઢમ ઢોલીડા તાલ દેજો રે લોલ ઘુમી ઘૂમી ગરબો સૌએ લેજો રે લોલ સાથિયા પૂરાવો ઘરને આંગણે રે લોલ અસવારી તે માની વાઘે શોભતી રે લોલ જય ભવાની જય ભવાની બોલીએ રે લોલ ઘરના આંગણિયામાં આવી મંદિર તું સર્જાવ ચાચર કેરા ચોકે માડી ગરબે ઘુમવા આવ કે માડી ઘણી ખમ્મા.. કુમકુમ કેરા પગલે માડી ગરબે રમવા આવ કે માડી ઘણી ખમ્મા.. Bhajan Gazal Lyrics

Bhajan Gazal Lyrics

  Bhajan Gazal Lyrics

મારી શેરીએથી કાનકુંવર આવતા રે લોલ, મુખેથી મોરલી બજાવતા રે લોલ. હું તો ઝબકીને જોવા નીસરી રે લોલ ઓઢણ અંબર વીસરી રે લોલ. હું તો પાણીડાંની મસે જોવા નીસરી રે લોલ, ઇંઢોણી ને પાટલી વીસરી રે લોલ. સાગ રે સીસમની મારી વેલડી રે લોલ નવલે સુતારે ઘડી પીંજણી રે લોલ. મેં તો ઘોળો ને ઘમળો બે જોડિયા રે લોલ જઇ અને અમરાપરમાંમાં છોડિયા રે લોલ અમરાપરના તે ચોકમાં દીવા બળે રે લોલ મેં તો જાણ્યું ક એ હરિ અહીં વસે રે લોલ મેં તો દૂધ ને સાકરનો શીરો ક્યો રે લોલ ત્રાંબાના ત્રાંસમાં ટાઢો કર્યો રે લોલ તો જમવા બેઠી ને જીવણ સાંભર્યા રે લોલ કંઠેથી કોળિયો ન ઊતર્યો રે લોલ મને કોઇ તો દેખાડો દીનાનાથને રે લોલ કોળિયો ભરાવું જમણા હાથનો રે લોલ હું તો ગોંદરે તે ગાવડીને છોડતી રે લોલ ચારેય દિશે તે નજર ફેરતી રે લોલ મેંતો છેટેથી છેલવર દેખિયા રે લોલ હરિને દેખીને ઘૂંઘટ ખોલિયા રે લો મારી શેરીએ તે કાનકુંવર આવતા રે લોલ મીઠી તે મોરલી વગાડતા રે લોલ Bhajan Gazal Lyrics

જીસ દિન રાજા તારો જનમ હુઓ વાગે કાંઈ નગારાના નિશાન રે, જોષીડા તેડાવો આપણા શહેરના આવા રુડા જોશ તો જોવરાવો રે નામ તો ધરાવો રાજા ભરથરી.... લીલુડા વઢાવું રાજા હું તો વાંસડા મહેલમાં મઢુલી બનાવુ રે, આસન નખાવું રુડા ઘાંસના બેઠા તમે મોજુ હવે માણો રે. હવે તો વિચારો રાજા ભરથરી.... તમારા મહેલમા રાણી અમે નહી રહીએ નહી લઈએ અન્ન કે પાણી રે, ભીક્ષા આપો ને મૈયા પીંગલા રે હાલી જાય જોગીડાની જમાતુ રે, ભીક્ષ રે આપી દ્યો મૈયા પીંગલા.... નવ લાખ હાથી રાજા તારે આંગણ જુલે અઢાર લાખ ઘોડાની ધમસાણું રે, બાણું લાખ દુજે રાજા તારે માળવો આવી તારી ઉજેણીની શોભા રે, હવે તો વિચારો રાજા ભરથરી.... દિપકને જોલો લાગ્યો પવનનો નરને જોલો લાગ્યો નારીનો રે, સંતને જોલો લાગ્યો શબ્દનો સદગુરુ પાર તમે ઉતારો રે, હવે તો વિચારો રાજા ભરથરી.... ભગવા રંગાવું રાજા હુંતો લુગડાં ચાલુ હુ તો તમારી સંગાથે રે, ધુણી રે પાણીની સેવા રાજા હુ કરું મને દાસી કહીને બોલાવો રે, હવે તો વિચારો રાજા ભરથરી.... અમારી સંગાથે રાણી નહી તમે દુનિયા અવળું વિચારે રે, દુનિયા સમજે કે બાવો ઘરબારી બાલુડાનો ભેખ તો લજાય રે ભીક્ષ રે આપી દ્યો મૈયા પીંગલા.... કાંતો રે રાજા તે તો ભા...

સોના વાટકડી રે, કેસર ઘોળ્યાં વાલમિયા લીલો તે રંગનો છોડ, રંગમાં રોળ્યાં વાલમિયા.... નાક પરમાણે નથડી સોઈ રે વાલમિયા ટીલડીની બબ્બે તારે જોડ, રંગમાં રોળ્યાં વાલમિયા.... કાન પરમાણે ઠોળીયાં સોઈ રે વાલમિયા ઠોળીયાંની બબ્બે તારે જોડ, રંગમાં રોળ્યાં વાલમિયા.... ડોક પરમાણે હારલાં સોઈ રે વાલમિયા તુળસીની બબ્બે તારે જોડ, રંગમાં રોળ્યાં વાલમિયા.... હાથ પરમાણે ચૂડલાં સોઈ રે વાલમિયા ગુજરીની બબ્બે તારે જોડ, રંગમાં રોળ્યાં વાલમિયા.... કેડ પરમાણે ઘાઘરો સોઈ રે વાલમિયા ઓઢણીની બબ્બે તારે જોડ, રંગમાં રોળ્યાં વાલમિયા.... પગ પરમાણે કડલાં સોઈ રે વાલમિયા કાબિયુંની બબ્બે તારે જોડ, રંગમાં રોળ્યાં વાલમિયા.... સોના વાટકડી રે, કેસર ઘોળ્યાં વાલમિયા લીલો તે રંગનો છોડ, રંગમાં રોળ્યાં વાલમિયા.... Bhajan Gazal Lyrics

રંગે રમે આનંદે રમે રે, આજ નવદુર્ગા રંગે રમે આદિત્યે આવિયા અલબેલી  મંડપમાં મતવાલા રે ભમે આજ નવદુર્ગા રંગે રમે સોળ શણગાર માને અંગે સુહાવે  હીરલા રતન માને અંગે સમે આજ નવદુર્ગા રંગે રમે મંગળવારે માજી છે ઉમંગમાં  ચાચર આવીને ગરબે રમે આજ નવદુર્ગા રંગે રમે બુધવારે માજી બેઠા વિરાજે  રાસ વિલાસ માએ ગાયો છે આજ નવદુર્ગા રંગે રમે ગુરુવારે મા ગરબે રમે છે  ચંદન પુષ્પ તે માને ગમે આજ નવદુર્ગા રંગે રમે શુક્રવારે માજી ભાવ ધરીને  હેતે રમે તે માને ગમે આજ નવદુર્ગા રંગે રમે શનિવારે મહાકાળી થયા છે  ભક્ત ભોજન માને ગમતા જમે આજ નવદુર્ગા રંગે રમે વલ્લભ કહે માને ભાવે ભજો ને  રાસ વિલાસ ગાયો સૌએ અમે આજ નવદુર્ગા રંગે રમે Bhajan Gazal Lyrics