Jivan Anjali thajo Maru..જીવન અંજલી થાજો મારું prarthana Lyrics in gujarati

જીવન અંજલિ થાજો 

મારું જીવન અંજલિ થાજો 

ભૂખ્યાં કાજે ભોજન બનજો, 

તરસ્યાંનું જળ થાજો;

દીનદુ:ખિયાંનાં આંસુ લો'તાં

 અંતર કદી ન ધરાજો 

મારું જીવન અંજલિ થાજો 

સતની કાંટાળી કેડી પર

 પુષ્પ બની પથરાજો,

ઝેર જગતનાં જીરવી જીરવી 

અમૃત ઉરનાં પાજો 

મારું જીવન અંજલિ થાજો 

વણથાક્યા ચરણો મારા નિત 

તારી સમીપે ધાજો;

હૈયાના પ્રત્યેક સ્પંદને 

તારું નામ રટાજો 

મારું જીવન અંજલિ થાજો 

વમળોની વચ્ચે નૈયા મુજ 

હાલકડોલક થાજો;

શ્રદ્ધા કેરો દીપક મારો

 નવ કદીયે ઓલવાજો 

મારું જીવન અંજલિ થાજો 

Bhajan Gazal Lyrics