Pankhidane aa pinjru junu jujnu lage પંખીડાને આ પીંજરું જૂનું જૂનું લાગે Bhajan lyrics in gujarati

પંખીડાને આ પીંજરુ જૂનું જૂનું લાગે

બહુએ સમજાવ્યું તોયે પંખી નવું પીંજરુ માંગે

ઉમટ્યો અજંપો એને પંડના રે પ્રાણનો

અણધાર્યો કર્યો મનોરથ દૂરના પ્રયાણનો

અણદીઠેલ દેશ જાવા, લગન એને લાગે

બહુએ સમજાવ્યું તોયે પંખી નવું પીંજરુ માંગે

પંખીડાને આ પીંજરુ......

સોને મઢેલ બાજઠિયો ને સોને મઢેલ ઝૂલો

હીરે જડેલ વિંઝણો મોતીનો મોલે અણમોલો

પાગલ ના બનીએ ભેરુ, કોઈના રંગ રાગે

બહુએ સમજાવ્યું તોયે પંખી નવું પીંજરુ માંગે

પંખીડાને આ પીંજરુ......

માન માન ઓ પંખીડા નથી રે સાજનની રીત

આવું જો કરવું હતું તો નહોતી કરવી પ્રીત

ઓછું શું આવ્યું સાથી સથવારો ત્યાગે

બહુએ સમજાવ્યું તોયે પંખી નવું પીંજરુ માંગે

પંખીડાને આ પીંજરુ......

Bhajan Gazal Lyrics