padho re popat raja ramna પઢો રે પોપટ રાજા રામના Bhajan lyrics in gujarati

પઢો રે પોપટ રાજા રામના,

 સતી સીતાજી પઢાવે

પાસે બાંધી રૂડું પાંજરૂ, 

મુખે રામનામ જપાવે

પઢો રે પોપટ રાજા......

પોપટ તારે કારણે,

 લીલા વાંસરે વઢાવું

તેનું ઘડાવું પોપટ પાંજરું,

 હીરે રતને જડાવું

પઢો રે પોપટ રાજા......

પોપટ તારે કારણે,

 શી શી રસોઇ બનાવું

સાકરના કરી ચુરમા,

 ઊપર ઘી પીસાવું

પઢો રે પોપટ રાજા.......

પાંખ પીળીને પગ પાંડુરા,

 કોટે કાંઠલો છે કાળો

"નરસૈંયા" ના સ્વામીને ભજો, 

રાગ તાણી રૂપાળો

પઢો રે પોપટ રાજા.......

Bhajan Gazal Lyrics