Hari Hara ni marji meto arji kari ene હરિહરાની મરજી મેંતો અરજી કરી છે એને Bhajan lyrics in gujarati

હરિહરાની મરજી, મેં તો અરજી કરી છે એને,

એ ચાહે ન ચાહે મુજને, મારો તો પ્યાર છે 

દુનિયા છોડી દોડી મેં, શરણ ગ્રહ્યું છે એનું,

મારા જીવનની દોરી, એને જ હાથ છે .

હરિહરાની મરજી........

છે દીન દયાળ એ તો, સાંભળશે દાદ મારી,

એ જાણે છે મારા દિલની, હું કહીશ દિલની એને .. ..

 હરિહરાની મરજી.........

એ તીરછી નજરે એણે, ઘાયલ કર્યો છે મુજને,

આ દિલડુ થયું દિવાનું, ચાહે છે દિલથી એને ..

 હરિહરાની મરજી..........

પ્રિત કરીને મુજ થી, પરદે રહે છે પ્રિતમ

પ્રિતમ પ્રિતમ ઝંખે છે, દિલ દર્શન કારણ એને …

 હરિહરાની મરજી...........

એની નજરે જીવન મારું, જીવું છું એ નજરે,

ગાફિલ છું પણ એની, નજર મુજ પર છે ને ..

હરિહરાની મરજી............

Bhajan Gazal Lyrics