vijli ne chamkare motida parovo re panbai...વીજળીને ચમકારે મોતીડાં પરોવો રે પાનબાઈ Bhajan lyrics in gujarati

વીજળીને ચમકારે મોતીડાં પરોવો રે પાનબાઇ 

 અચાનક અંધારા થાશે જી;

જોત રે જોતાંમાં દિવસો વહી રે ગયા પાનબાઇ 

એકવીસ હજાર છસો ને કાળ ખાશે જી

વીજળીને ચમકારે મોતીડાં............................

જાણ્યા રે જેવી આ તો અજાણ છે રે વસ્તુ પાનબાઇ !

અધૂરિયાને નો કે'વાય જી,

ગુપત રસનો આ ખેલ છે અટપટો,

આંટી મેલો તો સમજાય જી 

વીજળીને ચમકારે મોતીડાં............................

મન રે મૂકીને તમે આવો રે મેદાનમાં પાનબાઇ !

જાણી લ્યો જીવ કેરી જાત જી;

સજાતિ વિજાતિની જુગતિ બતાવું ને,

બીબે પાડી દઉં બીજી ભાત જી

વીજળીને ચમકારે મોતીડાં............................

પિંડ રે બ્રહ્માંડથી પર છે ગુરુ પાનબાઇ !

તેનો રે દેખાડું તમને દેશ જી,

ગંગા રે સતી એમ બોલીયાં રે સંતો,

ત્યાં નહિ માયાનો જરીયે લેશ જી

વીજળીને ચમકારે મોતીડાં............................

Bhajan Gazal Lyrics