juvo bhai duniya jay Hali saune Maya Bahu Vali lyrics...જુઓ ભાઈ દુનિયા જાય હાલી સૌને માયા બહુ વાલી Bhajan lyrics in gujarati

જુવો ભાઈ આ દુનિયા જાય હાલી 

 સૌને માયા બહુ વાલી

જુવો ભાઈ આ દુનિયા જાય હાલી 

 સૌને માયા બહુ વાલી

મરવા સુતો ત્યારે કર્યો મેળાવડો

સાસુ સસરો ને સાળી

પકડી જુબાન ત્યારે પુંછવા લાગ્યા

વાંહે પૈસા છેકે છો ખાલી

જુવો ભાઈ આ દુનિયા જાય...........

નથી ખાધી ને ન ખવરાવી

પ્રભુ પેટે નો આલી

રળી રળીને રાંકો બની ગયો

ડાટી છે કે ભોમાં ઘાલી

જુવો ભાઇ આ દુનિયા જાય............

સગવડ કરવા મળ્યાં સ્નેહીઓ

એને બાંધ્યો ઠાઠડી માં ઘાલી

રામ નો ભજ્યા વાંહે કર્યા રીયાડા 

કાઢ્યો નઇ એક પૈસો આલી

જુવો ભાઇ આ દુનિયા જાય.............

થાળી લોટો કે મળ્યું નહી છાલીયું,

 ખોખરી દુણી ઝાલી

લુખા લોટનો વાળ્યો લાડવો,

 પાણીમા રે પલાળી રે

જુવો ભાઇ આ દુનિયા જાય..............

ઘરની ત્રીયા ઘણું પોકારે

હું આ ઘરમાં નો માલી

ચાહું ઘરાગ કે કરાવો ચાંદલો

ખોટી સીદને થાવ ખાલી

જુવો ભાઇ આ દુનિયા જાય...............

મોટા કુળનું જોયું માથાહરૂં

ત્યારે હરખા ભરી હાલી

કટમી પાસે કીંમત કરાવી

એને નક્કી નાતરે આલી

જુવો ભાઇ આ દુનિયા જાય...............

માયા મૂકીને સૂતા મસાણે

મોટા કોટી ધ્વજને કંગાલી

દાસ સવો કહે તમે સાધુને સેવજો,

 સતગુરૂ ચરણ લ્યો ઝાલી

જુવો ભાઇ આ દુનિયા જાય.................

Bhajan Gazal Lyrics