koi re batavo amne jogido re કોઈ રે બતાવો અમને જોગીડો રે Bhajan lyrics in gujarati
કોઈ રે બતાવો અમને જોગીડો રે
જોગી મારી કાયાનો રે ઘડનાર
કોઈ રે બતાવો અમને......
હું રે હરણીને પિયુ મારા પારધીયા રે
માર્યા અમને શબદના રે બાણ
વાગ્યા રે હશે એ નર જાણશે રે
અવર શું જાણે રે અજાણ
કોઈ રે બતાવો અમને......
ચોપાટુ માંડી રે સંતો ભાઈ શૂન્યમાં રે
રમું મારા પિયુજી ને રે સંગાથ
હું રે હારુ તો પિયુજી ની દાસી રે
પિયુજી હારે તો રે'વે મારી સાથે
કોઈ રે બતાવો અમને......
સાવરે ફૂલડાની વાળેલી ગાંઠડી રે
વળી એમાં હિરલાની રે ગાંઠ
ગાંઠ તૂટી પણ એ છુટે નહિ રે
બાંધી એમાં પિયુજીની રે વાત
કોઈ રે બતાવો અમને......
હું રે પ્યાસી પિયુ તારા નામની રે
જપુ હુતો પિયુ પિયુ ના જાપ
મચ્છંદરનો ચેલો જતી ગોરખ બોલ્યા રે
પિયુ મારા તન મનમાં રીયો રે સમાય
કોઈ રે બતાવો અમને......
કોઈ રે બતાવો અમને જોગીડો રે
જોગી મારી કાયાનો રે ઘડનાર
કોઈ રે બતાવો અમને......
Comments
Post a Comment