Gagan vasi dhara par ગગનવાસી ધરા પર Gazal lyrics in gujarati
ગગનવાસી ધરા પર
બે ઘડી શ્વાસો ભરી તો જો
જીવન દાતા જીવન કેરો
અનુભવ તું કરી તો જો
ગગનવાસી........
સદાયે શેષશૈયા પર
શયન કરનાર ઓ ભગવન
ફક્ત એકવાર કાંટાની
પથારી પાથરી તો જો
જીવન દાતા જીવન કેરો
અનુભવ તું કરી તો જો
ગગનવાસી........
જીવન જેવું જીવન
તુજ હાથમાં સુપરત કરી દેશું
અમારી જેમ અમને
એક પળ તું કરગરી તો જો
જીવન દાતા જીવન કેરો
અનુભવ તું કરી તો જો
ગગનવાસી........
નથી આ વાત સાગરની
આ ભવસાગરની વાતો છે
અવર ને તારનારા તું
સ્વયં એને તરી તોજો
જીવન દાતા જીવન કેરો
અનુભવ તું કરી તો જો
ગગનવાસી........
નિછાવર થઈ જઈશ
એ વાત કહેવી સહેલ છે "નાઝિર"
વફાના શ્વાસ ભરનારા
મરણ પહેલા મરી તો જો
જીવન દાતા જીવન કેરો
અનુભવ તું કરી તો જો
ગગનવાસી........
ગગનવાસી ધરા પર
બે ઘડી શ્વાસો ભરી તો જો
જીવન દાતા જીવન કેરો
અનુભવ તું કરી તો જો
ગગનવાસી........
રચના-"નાઝિર દેખૈયા"
Comments
Post a Comment